Greetings Ayinde, an give thanks still fi show forth I HUMAN nature..but eh eh, yuh still nuh overstan mi post still...di sistren nuff times come down hard pon her own, an in due season it is time fi rebuke poison seeit, but di sistren never explain her reasons fi locksin still, an if she was to seh 'o mi felt called', or 'mi cya overstan di black man plight' how many of INI would tell her she speakin folly?? jus becuz di woman write articals Iyah? hmmm, mi glad still yuh put a token white woman pon di 'staff' still, but she is not immune to being of human nature which is inHEIRantly Evil..an as BOB put it an Jah Word seh it MAN TO MAN IS SO UNJUST...an him nuh put wha race man..him seh man to man..any way doesnt di I feel deh is only one Race..di human race? mi try fi let yuh know dat UNLESS yuh cya pull out di own log from yuh own eye, deh is no sense in tryin fi pull out di speck in a next bredrin or sistren..mi watch di reasoning still, an if yuh tink seh mi is a weak woman yuh WRONG..mi a LIONESS still, an whan mi sight folly mi mek it known..Rootsie is ALLWAYS coming down pon her own an dat in of itself mek I suspesious, yuhseeit? I must admit dat I cya be rebuked by di I fi di way mi talk to her still, (an di word rebuke mean encourage in Love, some ting mi fi try wid her again)..mi know seh I woman was wrong to inSINuate any ting bout her, but mi nuh no weak heart christian as yuh tink, an whan I woman sight folly me seh so..admitantly though mi haffi watch mi tongue still, as life an death is in di powah of it..I point now being dat alla we got a log in INI eye-sight an it cya lead to all kinds of blindness..an INI are betta served to accept each addah hear as ones who seek truth, but who some times speak folly due to INI humanness..an mi include I woman as well, Christian, Buddhist, Hindu, Rasta, Gentile,Hebrew, Mason, Order of Auser Auset, o Lord yuh fi name it, INI all need fi learn, an none a we cya claim seh we perfeck, an know wha a next man (or woman) feel, an especially since nuff a di very ones who is doing di chatizemant is from hear, an never feel it, nor know it!!!
Mi give thanks fi di correction still, an mi seh more love to ones
in His Love an Light
kaya I