Greetings Bredrin, give thanks fi yuh topic, an yuh commants still..give thanks
Yuh seh:
"Kaya...you are wrong....it's one God with many aspects. Your chris"columbus"tianity seems to have more than one God."
Firstly Bredrin, I God is NOT more den ONE GOD..an perhaps dis is why di I cannot overstan wha mi seh from a lang time back..Jah is as yuh seh ONE JAH wid three Aspecks or Persons..Not thiry millions but Three ACCORDING TO DI BIBLE..now if ones DO NOT accept di Words written in di bible an follow a next book or a next path dat is up to dem, but fi ones who like INI who rever di bible, an glory in it, as Selassie himself did, di Bible is more den a book Bredrin, more den a book written by man..it is Jah Hola Word.

"Which is it...the father or the son????????" yuh ask I seh it is both plus one yuh forget, which is di Hola Spirit..a person in di Hola trinity as well..

"I praise the almighty father
and then praise his son who in this time is the
King of Kings, Lord of Lords, conquerin' lion of the tribe of Judah, JAH!"RAAAASTAFARI!" An yes Iyah mi know seh yuh worship or praise di Faddah but if yuh sight Selassie as di Faddah den yuh praising DI ONE WHO PRAISES I GOD, WHO IS THREE PERSONS IN ONE JAH, AN WHO SELASSIE I IS NAMED FOR AS IN DI POWAH OF DI TRINITY, seen?

"I also truly love the one they called Iyesos Kristos." Mi know dis Iyah an mi glad to hear it, an beleif I, thousands of angels rejoice to hear it!!

"To damn a people of God/Jah is wrong Kaya. It's wrong to danm something you don't overstand...it's obvious you don't seeit."
Iyah, how is it dat di I sight I woman as damning any one? it is yuh who wrote of di bhagavad gita, an I woman wondered why di I read it, an trust it as a weh to support di I's beleifs..but mi nuh CONdemn yuh or any one else..an what is it dat di I feels mi nuh overstan? Iyah, mi allready tell nuff times how mi been searching a lang time still, from whan mi deh in yard, an watch I granny wid her beleifs in pocomanian church, to I fambly wid I mummie who was head of household, who raise INI garveyite to Rastafari..an den mi trod alone, seperate from nuff Bredrin, Sistren, an fambly to seek I truth..an thru dem searches an walks, I travel thru Tibetan movemants, Hindu movemants, nuff isms an skisms, til mi rest where mi rest...an it was Jah who brought I full circle, an reveal truth to I woman.
any way mi nuh hear fi CONdemn as mi allways repeat in love Bredrin, an if it seems as such, Forgiveness please for I woman did not intend it..
Raspeck Ancient Youthman
in His Light an Love
Everytime
kaya I