Greets Again Sistah Queen

De I sound as if yuh been hurt in dis Iwa, an true de facts yuh talk bout in yuh post, alla we as Woman face it, or INI face it in de past! Again it nuh jus a Rastafari problem. Deceit, lies, fornication, an adultery are jus some a de sins manUNkind face. An really who is de author of sin in dis world? Certainly if INI beleif in Jah, INI beleif in satan as a real entity, nuh true? Satan is de author of de lie, an de bible seh dat him only desire is fe destroy INI lives, him greatest pleasure is to see we, alla we, pickeney, man, woman fe suffer!!!!! yuh are right to ask de Rasta man dem fe change dem wehs. but me seh man an woman fe change dem wehs. Fornication, sexual sin, is one a de worst becaw so many lifes been affeckted. As de sistren allready show INI de sexual sins are particully nasty since dem cause nuff disease an de disease dem affeck INI pickeney too!! nuff babies born wid syphilis, thrush (although thrush is nuh allways a sign of infedelity). Me know seh during de Garveyite days in Jamaica sistren were a likkle more cyarefull, but in I muma time, it seem, nuff a de woman dem, kick nuff man to de curb only to haf a next pickeney wid de next 'false pretender'! it is nuh only up to de man fe kantrol dem thirst fe sex..an natrually some a dj's dem singing 'give me punany me whan de punany' nuh help. I pickeney nuh listen to any secular music, an dis a primary reason. Yuh know sistren, I fleshy haf nuff woman, an nuff baby mothers, an me tink seh de real ones who suffer are de pickeney. an since de black fambly haf suffer nuff challanges wid regard to INI race, a strong family, whe de daddy an mum are nuh only present, but in love, still, is a fambly who lives in Love, an a fambly which live in Love, Live in God according to St. John. So me agree wid with all yuh sight, an me jus whan to provide some encouragemant to de sistren, fe soon YES, VERY SOON INI gwan see de King. An whan Him come, him gwan wipe every tear from we I, an man an woman will nuh haffi worry of de hurts, sickness, greeds, lusts, of de former world, for INI will inheirit a new Earth wid INI rightfull Ruler an King! even so, me mus seh, COME LORD JESUS COME.
MUCH RASPECK TO YUH SISTREN
YUH KNOW SEH, ANY MAN WHO GET A RIGHTEOUS AN CONSCIOUS WOMAN LIKE YUH SHOULD BE GLAD
kaya I